Imaam Axamad Gureey
Imaam Axmed Ibraahim oo ku magac dheeraa Axmed Gurey, waxa uu ku dhashay
magaalada Harar sannadkii 1908 hijriga oo ku beegan 1500 CD, waxa uu wax ka bartay
culimadii Harar culuunta Islaamka, isaga oo akhristay tafsiirka, siirada iyo xadiiska
Nebiga (NNKH) ka dib waxa uu u socdaalay Seylac halkaasoo uu kala socday xaaladaha
Muslimiinta, sannado ka dibna waxa uu noqday sheekh weyn asaga oo da’diisu yar
tahay.
Waxa uu ka bartay ilmo adeerradiis farda fuulka iyo jir dhiska waxa uu koray isagoo
caafimaad buuxa leh kuna xeel dheer fallaar ganidda. Waxa uu noqday dagaalyahan
aan la loodin Karin, kuna dhiirran xaqa, una adeega diinta iyo dalka. Markuu
waynaaday ayuu dareemay dhibaatooyinka haysta walaalihiis soomaaliyeed, oo kala
qoqobnaanta, laaluushka iyo eexdu ka dhex jirto.
Imaaradaha Islaamiguna ay u kala tartamayaan xukunka iyaga oo dayacay xuquuqdii shacabka, waxaas oo ka jira gudaha, ayuu haddana billaabay in uu dadka faro waxa fiican kana reebo waxa xun, iyo in loo hiilliyo qofka laga gar daran yahay, korna loo qaado kalimadda Eebbe, lana ilaaliyo madax bannaanida dalka, gacantana lagu
dhigo kuwa ku ciyaaraya horumarka ummadda Muslimka ah.
Imaamku wuxa uu ka mid ahaa salaadiinta Soomaalida ee hor istaagay Xabashida
gaarsiiyeyna jab wayn. Waxa u suurto gashay in uu furto ku dhowaad saddex meelood dhulka Xabashida, oo uu hoos keeno maamulkiisa muddadii u dhexaysay 1529-1543 CD.
Imaamku waxa uu ku shahiiday dagaal uu la galay Bortoqiiska iyo Xabashida oo wada
socda ka dib markii uu ku dilay dagaalka taliyahoodii Kiristoofar oo ahaa wiilkii Faasko
Di Gaama iyo Boqorkii Axamaarada Liban Dangal.