Gabaygaan waxaa tiriyey alle ha u naxariistee abwaan Mohamed Ibrahim warsame oo ku magac dheer ( Hadraawi)
“Markay dani meeday tidhi
maxaan talo meel ka deyey,
markay dani maaha tidhi
weydiiyey qof meel ka deyey,
markay dani maaha tidhi
ku laabtay halkaan ka deyey,
markay dani maaha tidhi
ka sii deyey meel la deyey.
Maxay doqonniimo tidhi
Ruux aan jirin raad ku doon,
intaan isku duubay been
ka buuxsadey labada dacal
maxay runi daadi tidhi.
Maxaan arrin dawlis dhow
Ma-diiddo la soo qorqoray
ku daabacan baal madow
ku daawaday meel madow,
wax aan duluc sii ridnayn
indhuhu ku daraandareen.
Maxaan dogob beer is idhi
daruuro u soo sasabay
daryeelka ku maal is idhi
biyuhu uga sii dareen.
Wax aan degdeg jeer ku liqay
maxay shishe ii damqeen
kashayda dalooshadeen.
muxuu hadba shay dellegan
dareensigu soo tuf yidhi.
Ammuuraha duurxulka ah
duunkayga maxaan qodqoday
weyddiiyey su’aal da’ weyn
dibnuhu iga aammuseen.
Dalxiiska maxaan bilqaday
maxaan farax deeddankii
maxaan sida daad jirfaday
maxaan hadba daaf qulqulay
maxaan hadba deex sunsumay
maxaan deli jeer ka dhacay
maxay jarar soo deldelan
doolaaladu fuul i tidhi,
dushooda markaan u baxay
ha soo degin laygu yidhi.
Maxaan dihin weel la galay,
ku dayga maxaan ammuur
daboolka ka qaad is idhi
cabsidu iska daa i tidhiIndhuhu dib u soo noqdeen.Maxaan dhilay doog lingaxanhal daahan maxaan furfurayinaan dib u sii xidhxidhoGaraadku ku daaley yidhi.Maxaan dardaraa habeenanoo daba jooga raaddedaalku i soo xidhxidhay,dakaanka anoo jiljilanmuxuu dayax soo mir kacaydegaan kale ii furfuraydayaan igu sii gilgiley.Maxaan qoday doox sal weynmaxaan helay deeq mug weynwax uu dad jeclaan lahaau waayey wax soo daldala.Wakhtigu boqol doocsanaa,dersuu kugu beerayaadurduur kugu siinayaadardaaran adoo qabuudagaal kugu riixayaadil buu kugu oogayaa,markaad deldelaad gashuuhaddana kugu diidayaadorraato siduu ku yidhi,intuu ku diruu haddanadabbaal kugu sheegayaa.” – Dabahuwan | 1995.